पुन्हा अवकाळीचा कहर…वीज पडल्याचा चार घटना; 2 महिलांसह 3 बैल ठार…

– बीड जिल्ह्यात पुन्हा एकदा अवकाळीने कहर सुरू केलाय. सायंकाळनंतर सुरू झालेल्या वादळी वाऱ्यासह विजेच्या कडकडाटाने चार दुर्घटना घडल्या आहेत. यामध्ये विविध ठिकाणी वीज पडून 2 महिलांसह 3 बैल ठार झाले असून या दुर्दैवी घटना बीडच्या आष्टी तालुक्यात घडल्या आहेत. काजल विकास माळी वय 23 रा.केरुळ ता. आष्टी व राणी संदीपान सावंत वय 35 रा. सांगवी ता.आष्टी असं मयत महिलांची नावे आहेत. या दोन घटनेसह तिसरी घटना ही तालुक्यातील पारगाव येथे घडलीय. येथील शेतकरी युवराज नवनाथ भोराडे यांची बैलजोडी वीज पडून दगावली आहे. तर चौथी घटना ही शिरुर कासार तालुक्यातील भडखेल येथे घडलीय. येथील शेतकरी मधुकर आहेर यांचा एक बैल वीज पडुन दगावला आहे.