एटीएममध्ये मोबाईलवर बोलणं गुत्तेदाराला भोवलं..!

– एटीएमवर पैसे काढण्यासाठी गेलेल्या गुत्तेदाराला मोबाईलवर बोलणं चांगलचं भोवलं आहे.. गुत्तेदार बोलण्यात व्यस्त राहिल्याचा फायदा घेत, एका भामट्याने एटीएमची अदलाबदल करून 1 लाख 20 हजार रुपयांवर डल्ला मारलाय. हा प्रकार बीडच्या गेवराई शहरात भरदुपारी घडला असून याप्रकरणी गेवराई पोलिस ठाण्यात गुन्हा दाखल झाला आहे. गुत्तेदाराला आपली हलगर्जी चांगलीच अंगलट आली असून एक – कॉल महागात पडला आहे.कलीम अहमद शेख वय 38, रा. कुरबु गल्ली, मोंढा रोड, गेवराई असं त्या गुत्तेदाराचे नाव आहे.

गुत्तेदार कलीम शेख यांच्याकडे वाळू, खडी व सिमेंट एकत्र करण्याची मशिन आहे. याची ते गुत्तेदारीही करतात. यादरम्यान ते गेवराई शहरातील बीड रोडवरील एसबीआय बँकेच्या एटीएम मशिनवर पैसे काढण्यासाठी गेले होते. यावेळी अगोदरच एक व्यक्ती तेथे उभा होता. त्याने मशिन चालत नसल्याचे सांगितले.